प्रतीक्षा उनको आगमनको

उत्सुकताले आकाश छोयो
उनलाई पर्खी रहदा
थाकिसके नयन पनि
बाटो हेर्दा हेर्दा ।।

यो बाटो पो आउछिन् कि
उ बाटो पो आउछिन्
लुक्दै लुक्दै आएर
आँखा पो छोप्छिन् कि ।।

कती हेर्नु घडी पनि
चलेको चल्यै छ
उनलाई भेट्ने आशाको दियो
जलेको जल्यै छ ।।

आइनन् कि उनी मलाई
झुक्याइन् कि कसो
शङ्का अनी उपशङ्का
मन भित्र पस्यो ।।

ढाट्नै पर्ने के नै छ र
मेरो चोखो माया
उनलाई भेट्न आइ राख्या छु
पछ्याई उनकै छाया ।।

यात्रा गर्दा ढिलो भो कि ?
मेरो मन नै पापी
तर आउछिन् पक्कापक्की
जान्नन् मलाई ढाटी ।।

बल्ल !
आइ पुगे नि भन्दा खेरी
आयो ठुलो सास
जब भयो भेट हाम्रो
गयो सबै त्रास । ।