प्रतिक्षा

प्रतिक्षा
आशुको सागर मा डुबे पनि बिहानीसँगै हासेकी छु ,
मुटुमा असाध्ये चोट र पिडा भए पनि
यिनैलाई साथी बनाइ बाचेकी छु
आशाको दियो हुरिले निभाए पनि
दियो बाल्न तेल चाँही साचेकी छु।

इच्छा र आकाङ्क्षा खाडलमा पुरिए पनि
भाग्य कोर्ने बिधातालाई सम्झी बाचेकी छु ,
जिन्दगीको गोरेटोमा असफलता नै मिले पनि
सफलताको एक क्षणलाई धर्यताले कुरेकी छु ।

हरेक पल उदास उदास रहे पनि
उमङको प्रतिक्षामा बाचेकी छु ,
दुरताले छाये पनि समिपता लाई कल्पेकी छु
तिम्रो अनुपस्थितिलाई भए पनि
शक्ती र शाहशको साधन बनाएकी छु ।